Reala
Entrenamendua Zubietan
Xabi Prieto: 'Atsedenarekin lasaiago egin dugu lan'
Erredakzioa
Jokalari txuri-urdinak "bolada txarrari agur esateko garaia" heldu dela adierazi du eta Espanyol taldearen arriskuetaz mintzatu da.
Xabi Prietok hitz egin du prentsaurrekoan Realak Zubietan egin duen lan saioaren ostean. Jokalari gipuzkoarrak "taldea bolada txarrari agur esateko prest" dagoela azaldu du. "Atsedena ondo etorri zaigu eta lasaiago egin dugu lan" adierazi du erdilari txuri-urdinak.
Asteburuko aurkariaz ere mintzatu da Xabi Prieto eta Pochettinoren taldeak dituen aurrelari onak goraipatu ditu. "Sergio Garcia eta Alvaro jokalari arriskutsuak dira" onartu du Prietok. Realak partida "luzea eta gogorra" jokatu beharko duela argi utzi du Realeko jokalariak. "Bolada txarra daramagu eta irabazteko ordua heldu da" bukatu du gipuzkoarrak.
