Reala
Gaur, 20:00etan
Reala-Atletico Madril: Anoetak garaipena nahi du
Erredakzioa
Sailkapenean beste aurrerapauso bat eman nahi dute Montanierren mutilek, baina horretarako Simeoneren taldea gainditu beharko dute. Txuri-urdinek Mestallan lortutako balentria errepikatu nahi dute.
-
Reala. Argazkia: EFE
Ligako azken zazpi partidetan Realak ez du porrota ezagutu eta Montanierren mutilek bide horre6tan jarraitu nahi dute. Diego Pablo Simeoneren taldeak itxura berria eskaini du Gregorio Manzano joan zenetik eta horregaitik aurkari gogorra izango dira koltxoneroak. Anoetan partida bat soilik irabazi dute zuri-gorriek, pasa den denboraldian 2-4.
Bi taldeak sasoi onean daude. Txuri-urdinek azken zazpi partidetan lau berdinketa eta hiru garaipen eskuratu dituzte. Azkeneko garaipena gainera, Valentziaren aurka izan zen Mestallan (0-1). Hala ere, Atletico Madrilek aldaketa nabarmena izan du Simeoneren aginduetara eta zuri-gorriak konfiantzarekin etorriko dira Anoetara.
Montanierrek Carlos Martinez eta Iñigo Martinez berreskuratu ditu. Hala ere badirudi atzelari txuri-urdinak ez direla izango hasierako hamaikakoan. Erasoan, Imanol Agirretxe, Antoine Griezmann eta Xabi Prieto arituko dira.
Ustezko hamaikakoak:
Reala: Claudio Bravo; Estrada, Demidov, Mikel Gonzalez, Cadamuro; Elustondo, Aranburu, Griezmann, Prieto, Zurutuza; eta Agirretxe.
Atletico Madril: Courtois; Perea, Miranda, Godin, Filipe; Mario, Gabi; Juanfran, Diego, Adrian; eta Falcao.
Epailea: Muñiz Fernandez
