Reala
Golegilea
Iñigo Martinez, berragerpena eta gola
Erredakzioa
Realeko erdiko defentsak Zaragozaren aurka jokatu zituen denboraldi honetako lehen minutuak, eta partidako lehen gola sartu zuen.
Albisteak (1)
Bideoak (1)
Galeriak (1)
Iñigo Martinezek igandean jokatu zituen denboraldi honetako lehen minutuak Realarekin, eta maila handiko jokalaria dela erakutsi zuen. Albiste bikaina talde txuri-urdinarentzat.
Jokalari bizkaitarrak sartu zuen Zaragozaren aurka jokatu zuten partidako lehen gola, 1-0ekoa. Taldearekin aurten jokatzen duen lehen partida, eta berean gola. Iazko denboraldian hiru gol sartu zituen Martinezek. Munduari buelta eman zioten Athletici eta Betisi sartutako golek, zelai erditik jaurtiketa eginda sartu baitzituen golak.
Ondarroako futbolariak, igandean jokatu zituen denboraldi honetako lehen minutuak Realarekin. Min hartuta egon da denboraldiaurrean, baina Realarekin jokatu aurretik, 21 urtez azpiko Espainiako selekzioaren deialdian egon zen. Astean zehar, arazorik gabe entrenatu zuen Martinezek, eta badirudi lesioa ahaztuta duela. Realak jokalari bikain bat berreskuartu duela esan dezakegu.
