Realak lehen garaipena lortu nahi du etxetik kanpo

Erredakzioa

Azken eguneratzea: 2012/09/22 16:43 (UTC+2)

Talde txuri-urdinak Anoetatik kanpo jokatutako partida guztiak galdu ditu, eta bolada txar horri amaiera eman nahi dio Ciutat de Valencian.

Iñigo Martinez eta Carlos Vela Barkerori presioa egiten. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Realak Levanteren aurka jokatuko du igande honetan (16:00etan) Ciutat de Valencian. Talde txuri-urdinarentzat zelai madarikatua da Valentziakoa. Sei aldiz jokatu dute bertan, eta behin bakarrik irabazi dute.

Xabi Prieto eta Chory Castro errekuperatu ditu Realak igandeko partidarako. Baja izan ziren aurreko jardunaldian, eta aste guztian lan saioak arazorik gabe egin ondoren, jokatzeko prest egongo dira. Agirretxek eta Velak joka dezakete aurrealdean, baina Imanol Agirretxe min hartuta egon da astean zehar, eta Ifranek ere jokatzeko aukeraren bat izan dezake. Zaragozaren aurkako partidan ateratako hamaikakoa ez da asko aldatuko Levantern aurka Montanierrek aterako duenari erreparatuz.

Ustezko hamaikakoak:

Levante: Munua, Lell, Navarro, Ballesteros, Juanfran, El Zhar, Iborra, Diop o Míchel, Juanlu, Barkero eta Gekas edo Angel.

Reala: Bravo; Estrada, Iñigo Martinez, Gonzalez, De la Bella; Illarramendi, Bergara, Zurutuza, Griezmann; Castro eta Vela.

Epailea: Hernandez Hernandez.
Zelaia: Ciutat de Valencia
Ordua: 16:00etan.