Erroma eta Bayern, E multzoko lidergoaren bila

Astearte honetan multzoen faseko hirugarren jardunaldia jokatuko da Txapeldunen Ligako E, F, G eta H multzoetan. Bayernek eta Erromak elkarren aurka jokatuko dute, E multzoko lidergoaren bila.

F multzoan, garaipena du helburu PSGk APOELen aurka, lidergoari eusteko asmoz. Zlatan Ibrahimovic eta Ezquiel Lavezzi jokalariek lesionatuta jarraitzen dute.

G multzoan, Maribor hartuko du Chelseak. Ingalaterrako taldea da liderra, lau punturekin, baina astearteko hitzordurako Diego Costaren baja izango du.

H multzoan, azkenik, garaipena izango du helburu Athleticek Porton, eta  Shaktar Donetskek BATE Borisovi egingo dio bisita.

ASTEARTEKO PARTIDAK

-E multzoa

CSKA Mosku - Manchester City 18.00.

Erroma - Bayern 20.45.

-F multzoa

APOEL Nicosia - Paris Saint Germain 20.45.

Bartzelona - Ajax 20.45.

-G multzoa

Chelsea - Maribor 20.45.

Schalke 04 - Sporting Lisboa 20.45.

-H multzoa

BATE Borisov - Shakhtar Donetsk 20.45.

Porto - Athletic Club 20.45.