Txapeldunen Liga: Aurreko faseko partidak hasiko dira

Josu Bilbao

Erredakzioa

Azken eguneratzea: 2010/08/16 14:19 (UTC+2)

Sevillak, Tottenhamek, Ajaxek eta Werder Bremenek haien neurketak irabazi beharko dituzte txapelketan jarraitu nahi badute. Jarraitu zuzenean, asteazkenean Braga-Sevilla ETB-1en edo eitb.comen

Whatsapp
Whatsapp
telegram
twitt
Bidali
Esteka kopiatu

Sevilla, Ajax Amsterdam, Tottenham edo Werder Bremen bezalako taldeek, aste honetan hasiko dute Txapeldunen Ligan haien parte hartzea. Europako futbol txapelketa garrantzitsuenaren aurreko fasean, talde andaluziarrak Sporting Braga portugaldarra gainditu beharko du. Sevillak ez du erraz izango, Bragak Celtic Glasgow europako txapelketetako talde klasiko kaleratzetik baitator. Portugaldarrek 3-0 menderatu zituzten eskoziarrak Bragako Munizipalean. Andaluziarrek aste batzuk soilik daramatze entrenatzen baina haien sasoi ona erakusti dute Bartzelonaren aurka, Superkopako joaneko partidan 3-1 irabaziz.

Tottenhamek Bernara bidaiatu beharko du Young Boysen aurka jokatzeko eta Ajaxek, Andrei Sevchenkoren Dinamo Kiev gainditu beharko du hurrengo fasean egon nahi badu. Bi talde hauek, aldearekin jokatuko dute itzuleko partida etxean jokatuko dutelako. Werder Bremenek ostera, etxean hasiko du kanporaketa, Sampdoria arriskutsuaren aurka. Hala ere, alemaniarrak faborito dira hurrengo fasean egoteko.

Beste norgehiagoka interesgarri batzuk, San Petersburgoko Zenitek eta Auxerre belgiarrak jokatuko dutena izango da, eta Partizanek eta Anderlechtek jokatuko dutena.

Asteartea 17:

Young Boys-Tottenham
Rosenborg-Kobenbavn
Dinamo de Kiev-Ajax
Sparta Praga-Zilina
Zenit-Auxerre

Asteazkena 18 :

Salzburgo-Happoel Tel Aviv
Sporting Braga-Sevilla
Werder Bremen-Sampdoria
Partizan-Anderlecht
Basilea-Sheriff