Copenhague-Bartzelona, (1-1): Danimarkarrek Barça geldiarazi dute

Bartzelonak kale egin du gaur Danimarkan Copenhagueren aurka 1-1 berdinduta Txapeldunen Ligako laugarren jardunaldian.

Katalanak jarri ziren aurretik markagailuan. 31. minutuan Messik 0-1ekoa sartu zuen eta bazirudien Bartzelonak errazago izango zuela partida aurrera ateratzea. Baina danimarkarrek ez zuten etsi eta minutu bat beranduago Claudemirrek 1-1ekoa ezarri zuen markagailuan. Azken minutuetan gol aukera bikainak izan zituen etxeko taldeak, baina ez zituen sartu. Bartzelonak sofritu egin zuen berdinketa eskuratzeko. Azkenean, 1-1eko emaitzarekin bukatu zen partida.

Berdinketarekin Bartzelona D multzoko lidergoan da eta Copenhague bigarren sailkatua da. Bi talde hauek gertu dute hurrengo faserako sailkapena multzoko beste partidan Rubin Kazanek eta Panathinaikosek 0-0 berdindu eta oso zail baitute final-zortzirenetara sailkatzea.