Itxi

2020/10/20

23:36

Txapeldunen Liga

Lehen jardunaldia

Bartzelonak aise irabazi dio Ferencvarosi eta Unitedek mendean hartu du PSG

Erredakzioa

Sevillak golik gabe berdindu du Chelsearen aurka (0-0) Stamford Bridgen eta Juventusek garaipena lortu du Dinamo Kieven aurka (0-2).

  • Bartzelona - Ferencvaros

    Barçako jokalariak Ferencvarosi sartutako gol bat ospatzen. Argazkia: EFE

  • Whatsapp
  • Whatsapp
  • Telegram
  • Bidali

2020-2021 denboraldiko Txapeldunen Liga abian da jada. Astearte honetan E, F, G eta H multzoetan lehian ari diren taldeen partidak jokatu dira, eta ikuskizuna itzuli da Europako zelai handienetara.

G multzoan Bartzelona da liderra Ferencvaros jipoitu (5-1) ostean. Multzoko beste norgehiagokan, Juventus nagusi izan da Dinamo Kieven kontra (0-2) eta hiru puntuak eskuratu ditu.

Bestalde, Sevillak golik gabe berdindu du Chelsearen aurka (0-0) Stamford Bridgen. Rennesek eta Krasnodarrek ere berdindu egin dute, baina bana (1-1). Ondorioz, E multzoko talde guztiek puntu bana dute lehen jardunaldiaren ostean.

Eguneko partida handienean Manchester Unitedek ezustekoa eman du PSGri irabazita (1-2). Talde frantziarra beti dago txapelketa irabazteko faboritoen artean, baina ez du hasiera ona izan. H multzoko beste neurketan, RB Leipzigek garaipena lortu du Istanbul Basaksehirren aurka (2-0).

F multzoan Lazio da liderra Borussia Dortmundi 3-1eko emaitzarekin irabazita, eta Zeniten aurka garaipena lortu duen Brugge (1-2) da bigarren postuan.

 

  • Bisitatuena

      Kargatzen ikusiena
      Kargatzen ikusiena
    ;