Txapeldunen Liga

Zenit-Benfica eta Milan-Arsenal, asteazken honetako partidak

Erredakzioa

Azken eguneratzea: 2012/02/15 10:20 (UTC+1)

Errusiarren eta portugaldarren arteko lehia 18:00etan hasiko da. Italiarren eta ingelesen artekoa, aldiz, 20:45ean hasiko da San Siron eta eitb.com-ek zuzenean eskainiko du norgehiagoka.

Maxi Lopez, Milanen azken fitxaketa Calciko partida baten. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Bartzelonak kanporaketa bideratuta utzi du Leverkusenen

Galeriak (1)

Txapeldunen Ligako final-zortzirenetako irudirik onenak

Astearteko Bartzelonaren eta Olypimpique Lyonnaisen garaipenen ondoren, asteazken honetan Txapeldunen Ligako final-zortzirenetako beste bi partida jokatuko dira. 18:00etan Zenit-Benfica jarriko da abian eta 20:45ean Milan-Arsenal jokatuko da San Siron. Italiarren eta ingelesen arteko norgehiagoka zuzenean eskainiko du eitb.com-ek.

Zenit-Benfica San Petesburgeko Petrovky zelaian jokatuko da arratsaldeko 18:00etan hasita. Hotza izango da nagusi lehia honetan. Errusiarrak denboraldiaurrearen azken txanpan daude eta portugaldarrak Javi Garciaren baja garrantzitsua izango dute.

20:45ean, San Siron AC Milan eta Arsenal arituko dira nor baino nor. Italiarrek Maxi lopez aurrelaria fitxatu dute eta hasieratik jokatuko ez duen arren minutu batzuk izan ditzake. Mikel Arteta euskal jokalaria ikusteko aukera izango dugu partida honetan eta bi aurrelari bikainen arteko lehia ere; Ibrahimovic vs Van Persie.