Txapeldunen Liga
Final-laurdenak (itzulikoa)
Bayern Munichek eta Bartzelonak finalerdietarako txartela lortu dute
Erredakzioa
Bartzelonak Milan 3-1 mendean hartu du Camp Noun. Era berean, Bayern Munichek O. Marseillari 2-0 irabazi dio Alemanian.
07:43
Bartzelonak aise irabazi dio gaur AC Milani (3-1), eta Txapeldunen Ligako finalerdietarako txartela lortu du. Kataluniarrek ez diote Italiako taldeari aukerarik eman. Milanek berdinketa lortu du lehen zatian, baina Bartzelonaren makineria martxan jarri denean ezin izan du ezer egin.
Bestalde, Bayern Munich 2-0 mendean hartu du O. Marseilla Allianz Arenan eta finalerdietarako sailkapena lortu du. Joanekoan 0-2 nagusitu ziren alemaniarrak eta eraginkortasun handia azaldu dute. Real Madrilek Nikosiako APOEL kanporatzen baldin badu Bayern izango du aurkari finalerdietan.
