Mourinho: 'Finalera heltzeko ez dugu partida historikorik egin behar'

Jose Mourinho, Real Madrileko entrenatzaileak, Bayern Munichen aurkako porrotak ez duela "sentsazioa negatiborik" uzten argi utzi nahi izan du. "Kanporaketa gainditzeko ez dugu partida historikorik egin beharko Santiago Bernabeun", adierazi du portugaldarrak. Talde zuriak denboraldiko aurreneko porrota jaso zuen Txapeldunen Ligan Alemaniako taldearen aurka.

"Porrotak ez ditu sentsazioa negatiboak utzi. Pasa den denboraldian galdu genuen norgehiagoka badakigu guztiok nola galdu genuen. Ez genuen porrota merezi. Itzulerako neurketa Bernabeun jokatuko dugu eta ez dugu partida historikoa egin beharko finalera sailkatzeko", azaldu du argi eta garbi Jose Mourinhok.

"2-1ekoa ez da nahi genuen emaitza, baina irauli daiteke", gaineratu du Real Madrileko prestatzaileak. Mourinhok Fabio Coentrao, bigarren golan akats argia egin zuen jokalaria, defenditu egin du gainera.

"Beste neurketetan akatsak egin dituzte beste jokalari batzuek eta ez da ezer esan eta orain partida bikaina egin duen mutil baten inguruan galdetzen da", esan du Mourinhok.

Epaileak Bayern Munichen aurreneko golan egindako akatsaren inguruan ere mintzatu da Portugaleko teknikaria. "Emaitza ez da bidezkoa aurreneko gola ez baitzen markagailura igo beharko, baina akats hauek normalak dira epaileetan. Ez da ezer gertatzen".