Arrauna
CXVII. edizioa
24 traineru, denboraldiko txartel preziatuenaren bila
@IsuskoAB
Ostegunean jokatuko da aurreneko estropada, gizonezkoen eta emakumezkoen sailkatzeko probak, eta hurrengo bi igandeetan jokoan izango da Kontxako Bandera. ETBk eta eitb.com-ek zuzenean eskainiko dute.
Albisteak (3)
Informazio gehiago (3)
2012ko Kontxako Bandera eskuratzeko 31 traineruk (gizonezkoetan 24 eta emakumezkoetan 7) gogor borrokatu beharko dute. Ostegunean, abuztuaren 30ean sailkatze jardunaldia jokatuko da, eta estropadako jardunaldiak irailaren 2an eta 9an izango dira (emakumeek 11:30ean, eta gizonezkoek 12:00etan).
Aurten, berritasun nagusi bezala, gizonezkoen eta emakumezkoen sailkatze estropada egun berean izango da (ostegunean). Emakumezkoek 17:30ean ekingo diote estropadari, eta gizonezkoen 18:00etan. Parte hartuko duten emakumezkoen zazpi ontziak Getaria-Tolosa, Hibaika, Hondarribia, Orio, Rianxeira, San Juan eta Zumaia izango dira. Lau traineru onenek txanda bakarrareko estropadan parte hartuko dute.
Gizonezkoetan, osteguneko zazpi onenek Donostiarrarekin batera azkenengo bi txandetan parte hartuko dute, irailaren 2an eta 9an. Hasiera batean San Miguel Ligan aurrean direnak dira faborito, hots, Kaiku, Hondarribi, Urdaibai eta Tiran. Halere egon badaude denboraldiko une honetan sasoian egotea bilatzen dutenak Kontxako Banderarako sailkapena erdiesteko, esaterako, San Juan, San Pedro, Astillrero eta Kastro.
Ezin dugu ahaztu KAE ligan aise irabaztten ari den Orioko trainerua. Ostegunean ikusiko da zer nolako maila duen onenetik indarrak neurtzen dituenean,
Parte-hartzaileak (gizonezkoak):
A multzoa: Kaiku, Hondarribia, Urdaibai, Tiran, San Pedro, San Juan, Castro, Astillero, Portugalete, Pedreña, Zumaia eta Zierbena.
B multzoa: Camargo, Chapela, Elantxobe, Getaria, Hibaika, Lekittarra, Ondarroa, Orio, Santurtzi, Santoña, Trintxerpe etay Zarautz.
Parte-hartzaileak (emakumezkoak):
Getaria-Tolosa, Hibaika, Hondarribia, Orio, Rianxeira, San Juan eta Zumaia.
EGITARAUA
OSTEGUNA 30
Emakumezkoen sailkatze estropada (17:30). Zuzenean eitb.com-en
Gizonezkoen sailkatze estropada (18:00) Zuzenean eitb.com-en
IGANDEA 2
1. jardunaldia (10:45). Zuzenean eitb.com-en
IGANDEA 9
2. jardunaldia (10:45). Zuzenean eitb.com-en
