Bilbao Basket
Euroliga: Bizkaia-Caja Laboral
Katsikarisentzat taldearen historiako neurketarik garrantzitsuena da
ERREDAKZIOA
Fotis Katsikaris entrenatzailearentzat, Caja Laboralen aurkako norgehiagoka erabakigarria da. Talde bilbotarraren neurketarik inportanteena dela uste du, emozioz eta nerbioz betea.
-
Fotis Katsikaris. Argazkia: EITB.
'Talde gasteiztarra ondo ari da defentsan, erasokorragoak dira. Horregatik, erasoan fin aritu beharko gara, asko hobetu badugu ere', Fotisen esanetan.
'Caja Laboralek Gescrapek baino esperientzia handiagoa du mota honetako neurketetan eta hasieratik indartsu arituko dira', esan du Greziako entrenatzaitzaileak. 'Norgehiagoka berdindua, baina aldi berea joaneko neurketatik oso bestelakoa izango da'.
Fotis Katsikarisen ustez, neurketa honetan 'jokalariak' izango dira garrantzitsuenak, entrenatzaileen gainetik.
'Gauza txikiek erabakiko dute emaitza, jaurtiketek, erreboteek eta galdutako baloiek' esan du entrenatzaileak. Fotisek 'burua argi' izan dezaten eskatu die jokalariei.