Bilbao Basket
Asteartean 20:30ean
Unicaja-Gescrap Bizkaia: Kopako aukerari eutsi nahian
Erredakzioa
Asko zaildu da Katsikarisen taldearen xedea: gelditzen diren bost partidetatik lau irabazi behar ditu.
01:15
Gescrap Bizkaiak Unicajari egingo dio bisita astearte honetan Endesa Ligako 14. jardunaldiko partidan (20:30ean). Bilbotarren helburua Koparako txartela lortzea da, baina Caja Laboralen kontra jasotako porrotaren ostean, xedea asko zaildu da.
Fotis Katsikarisen taldeak gelditzen diren bost partidetatik lau irabazi behar ditu. Gainera, horietatik bakarra jokatuko du etxean. Beraz, etxetik kanpoko bolada txarrari amaiera eman behar diote bilbotarrek.
Euroligako azken partidetan eskainitako mailari eusten badio, Gescrapek hurbilago izango du Kopa. Jokalari guztiak prest ditu Katsikarisek.
