Baskonia
Oraindik ez da ofiziala
Baskoniak Pablo Lasori adierazi dio ez duela taldean jarraituko
EITB
Entrenatzaile gasteiztarrak 2027ra arteko kontratua zuen Gasteizko klubarekin, baina Josean Querejetak esan dio ez duela karguan jarraituko. Halaber, Baskoniak iragarri du Sander Raiestek ez duela jarraituko, eta Pavel Savkovek MBA-MAI Moskun jokatuko du, utzita.
-
Pablo Laso, Baskoniako jokalariekin, partida batean. Argazkia: EFE.
Baskoniak Pablo Lasori adierazi dio ez duela taldean jarraituko. Entrenatzaile gasteiztarrak 2027ra arteko kontratua zuen Gasteizko klubarekin, baina Josean Querejetak esan dio ez duela karguan jarraituko. Halaber, Baskoniak iragarri du Sander Raiestek ez duela jarraituko, eta Pavel Savkovek MBA-MAI Moskun jokatuko du, utzita.
Testuinguru horretan, Baskoniatik gertu dauden iturriek EFEri esan diotenez, Josean Querejetak iragarri dio Lasori klubak hartutako erabakia. Ondorengo egunetan, Baskoniak emango du horren berri, ofizialki, eta esango du nor izango den entrenatzaile berria. Jarraian, Laso 2024-25 denboraldian harekin lanean izandako taldeari helarazi dio mezua.
Baskoniako jokalariei dagokienez, Sander Raieste hegalekoak Baskonia utzi du, klubean bederatzi denboraldi emanda; horietako lautan, lehen taldean aritu da. Estoniarrak 200 partida ofizial jokatu ditu, eta kontratua amaituta esan dio agur Baskoniari.
Sander Raieste pone fin a su etapa en Baskonia
— Baskonia (@Baskonia) July 8, 2025
El jugador estonio se despide del club tras nueve temporadas de entrega, compromiso y crecimiento en la estructura azulgrana ¿ https://t.co/bUnARDrqgD
Esta siempre será tu casa. Eskerrik asko, Sander! pic.twitter.com/QnPy5sKkxS
Azkenik, Baskoniak, asteartean ere, iragarri du akordioa itxi duela MBA-MAI Moskurekin, Pavel Savkovek talde horretan jokatzeko, utzita.
