Caja Laboral, Nocionirekin, baina San Emeterio gabe Lucentumen aurka

Erredakzioa

Azken eguneratzea: 2012/03/31 16:28 (UTC+2)

Dusko Ivanovicen mutilek Endesa Ligako hirugarren postuan sendo jarraitzeko aukera ederra dute Alacanten. Fernando San Emeteriok, lesionatuta, ezin izango du jokatu.

Prigioni. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Lucentum Alacanten aurka jokatuko dute Dusko Ivanovicen mutilek igandean eta Andres Nocioni argentinarra Endesa Ligara itzuliko da Baskoniako elastikoarekin. Arabako taldeak denboraldi bukaerara arte fitxatu du Nocioni NBAn zortzi denboraldi jokatu eta gero.

Caja Laboralek Fernando San Emeterioren baja izango du, pasa den asteburuan pubisean min hartu baitzuen Asefa Estudiantesen aurkako neurketan. Kantabriako jokalaria bilakaeraren zain dago eta aste honetan jakingo da noiz itzuliko den kantxara.

Gainera, Pablo Prigioni eta Thomas Heurtel Alacanteko kantxara itzuliko dira. Frantziarrak pasa den denboraldian Txus Vidorretaren aginduetara jokatu zuen eta Argentinakoak orain dela hamar urte jantzi zuen Alacanteko elastikoa.