Baskonia
EUROLIGA
Neven Spahijaren positiboa faltsua izan da, eta Baskonia zuzenduko du Unics Kazanen aurka
AGENTZIAK | EITB MEDIA
Kroaziarrak positibo eman zuen asteartean egin zioten antigeno proban, baina asteazken honetan egindako testek, ordea, emaitza negatiboak azaldu dituzte.
-
Neven Spahija. Argazkia: EITBren bideo batetik hartutako irdia
Neven Spahija Bitci Baskoniako entrenatzaile kroaziarrak negatibo eman du asteazken honetan koronabirusa atzemateko egin dizkioten probetan, nahiz eta asteartean positibo eman. Horrenbestez, Gasteizko taldea zuzendu ahalko du ostegun honetan, Unics Kazanen aurkako Euroligako neurketan.
Antigeno testa eta PCR proba egin dizkiote Baskoniako entrenatzaileari, eta negatibo eman du bietan.
Euroligako partidaren aurreko prentsaurrekoan, David Gil bigarren entrenatzaileak aurreratu du klubaren ustez positibo faltsu baten aurrean zeudela, eta hala baieztatu da ordu batzuk geroago.
