Frantziako Tourra 2023
UCI World Tour
Katushak ez du pelotoian jarraituko, 'L'Equipe' egunkariaren arabera
Agentziak | Erredakzioa
Antza denez, taldeko arduradunek txirrindulariekin hitz egin dute eta beste edozein talderekin negoziatzeko libre direla adierazi diete.
-
Ilnur Zakarin 2019ko Frantziako Tourrean. Argazkia: EFE
L'Equipe egunkariaren arabera, Team Katusha Alpecineko arduradunek hurrengo denboraldian taldeak tropelean jarraituko ez duela komunikatu diete txirrindulariei.
Antza denez, arduradunek txirrindulariei helarazi zieten informazioa eta beste talde batzuekin negoziatzeko askatasuna ere eman zieten; izan ere, taldeak ez du 2020ko denboraldian tropelean lehiatuko.
Taldea Frantziako Tourrean parte hartzen ari da. Bertan, Ilnur Zakarin dute taldeburu lanetan, eta etaparen bat irabazteko eta sailkapen orokorreko aurreneko 10 postuetan sailkatzeko helburua dute. Errusiarrak 2016ko Frantziako Tourrean etapa bat irabazi eta 2018an sailkapen orokorreko 10. postua lortu zuen.
Hauek dira 2019ko Frantziako Tourrean parte hartzen duten Katusha taldeko txirrindulariak:
| Team Katusha Alpecin | ||
| 181 | Ilnur Zakarin | |
| 182 | Jens Debusshere | |
| 183 | Alex Dowsett | |
| 184 | Jose Goncalves | |
| 185 | Marco Haller | |
| 186 | Nils Politt | |
| 187 | Mads Wurtz | |
| 188 | Rick Babel | |
