Itxi

X-deportes_tour de francia-X

X-deportes_tour de francia-X

Frantziako Tourra 2022

Uztailaren 3an

2023ko Frantziako Tourreko hirugarren etapa Zornotza eta Baiona artean jokatuko da

EITB Media

Urtarrilaren 26an Gasteizen egingo da Tourraren 110. edizioan Euskal Herriak hartuko dituen etapen aurkezpena. Lasterketa Bilbotik abiatuko da 2023ko uztailaren 1ean. Aurkezpen ekitaldia zuzenean eskainiko du eitb.eus-ek.

  • Tropela

    Tropela, 2022ko Frantziako Tourreko etapa baten. Argazkia: EFE

EITB Mediak jakin ahal izan duenez, 2023ko Frantziako Tourreko hirugarren etapa Zornotza eta Baiona artean jokatuko da uztailaren 3an. Bizkaitik Lapurdira arteko ibilbidea egin beharko dute txirrindulariek.

Euskal Herriak Tourraren 110. edizioko hiru etapa hartuko ditu, eta xehetasun guztiak urtarrilaren 26an aurkeztuko dituzte Gasteizen. Ekitaldi horretan egongo da Christian Prudhomme Frantziako Tourreko zuzendaria. Euskal errepideetatik pasako diren etapen aurkezpen ekitaldia zuzenean eskainiko du eitb.eus-ek, 17:00etan.

Bilbo-Bilbo, lehen etapa, uztailaren 1ean

Bilbotik abiatuko da 2023ko Frantziako Tourra. Lehen etapa Bizkaiko hiriburuan hasi eta amaituko da, uztailaren 1ean. Bigarren etapa ere euskal errepideetatik pasako da, baina oraindik ez da zehaztu non hasi eta bukatuko den. Uztailaren 2an izango da.

Hirugarren etapa, Zornotza eta Baiona artean egingo da uztailaren 3an. Etapa honen ibilbidearen xehetasunak urtarrilaren 26an argituko dituzte.

  • Bisitatuena

      Kargatzen ikusiena
      Kargatzen ikusiena