Oscarrak 2024
85. edizioa
Ben Affleck, Jessica Chastain eta Jennifer Lawrence, Oscarretako galan
Erredakzioa
Chastain eta Lawrence, gainera, Emakumezko Aktore Onenaren sarirako hautagaiak dira eta Affleckek Film Onenarena jaso lezake 'Argo' filmari esker.
-
Ben Affleck, Jessica Chastain eta Jennifer Lawrence. Argazkia: EFE
Ben Affleck, Jessica Chastain eta Jennifer Lawrence aktoreek ere Oscarren galan parte hartuko dutela iragarri dute Craig Zadan eta Neil Meron ekitaldiaren ekoizleek.
Affleckek Film Onenaren estatuatxoa eskura lezake, Argo filmari esker, eta bere ibilbideko bigarrena izango litzateke; izan ere, 1997an Gidoi Onenarena lortu zuen Good Will Hunting lanari esker.
Chastain Emakumezko Aktore Onenaren Oscarrera hautagaia da (Gauerdi eta erdiak) eta iaz jaso zuen Akademiaren lehen izendapena, The Help filmari esker.
Lawrencek 2010ean izan zuen lehen hautagaitza, Bone Winter pelikulari esker, eta aurten Gauzen alde ona zintarekin lortu du.
Oscarretako 85. edizioko galan izango dira Robert Downey Jr., Samuel L. Jackson, Chris Evans, Jeremy Renner, Mark Ruffalo, Jean Dujardin, Christopher Plummer, Octavia Spencer, Meryl Streep eta Charlize Theron ere. Gainera, Adele, Norah Jones eta Barbra Streisand abeslariek ere zeremonian parte hartuko dute.
Salma Hayek Pinault, Melissa McCarthy, Liam Neeson eta John Travolta artistek ere galan parte hartuko dutela iragarri du Akademiak.
