Zinemaldia
ZINEMALDIA 2018
Salgai dira jada Donostiako Zinemaldirako sarrerak
EITB.EUS
09:00etan ireki dira Kursaaleko txarteldegiak eta abian jarri da Internet bidezko salmenta ere. Pertsonako, lau sarrera erosi ahal izango dira gehienez.
Albisteak (10)
- Donostia Zinemaldiak jarraipen informatibo handia izango du EiTBn
- Juliette Binoche, Ryan Gosling eta Robert Pattinson Zinemaldian izango dira
- 'Bad Times at the El Royale' filmak itxiko du Donostiako Zinemaldia
- 20 euskal film aurkeztuko dituzte Zinemaldian
- Isabelle Huppert aktorea da 66. Donostia Zinemaldiko kartelaren protagonista
- Judi Dench, 2018ko Zinemaldiko Donostia Saria
Bideoak (2)
Informazio gehiago (1)
Gaur goizean jarri dituzte salgai Donostiako Zinemaldirako sarrerak. 09:00etan ireki dira Kursaaleko txarteldegiak, eta Internet bidez ere ordu horretatik aurrera jarri dira eskuragai 66. edizio honetako sarrerak. Ia ia lehen-minututik "saturatuta" egon da zerbitzua eta sare sozialetan kexa ugari izan da arrazoi hori dela eta, baina antolakuntzatik jakitera eman duenez, 14.300 sarrera saldu dira lehen 45 minututan:
Sarreren salmenta / Barkatu itxarote denbora. Eskaera asko kudeatzen ari dira. 14.300 sarrera saldu dira 45 minutuetan. Ilara birtualean sartzeko esteka:https://t.co/72BDkb2Fna
— Festival S.Sebastián (@sansebastianfes) 16 de septiembre de 2018
Era berean, sarrerak erosteko bigarren webgune baten berri ere eman dute.
Pertsona bakoitzak gehienez lau sarrera erosi ahal izango ditu saio bakoitzeko, eta 10 sarrera baino gehiago erosiz gero, %25eko deskontua egingo zaio.
Badira gazteentzako deskontuak ere: Gazte txartela dutenek sarrera bakoitzean %50eko deskontua izango dute, eta Donostia Kultura txartela dutenek, %10eko deskontua izango dute 7,90€ balio duten sarreretan.
Zinemaldia, irailaren 21etik aurrera
Zinemaldiaren irekiera ekitaldia, irailaren 21eran izango da, eta ETB1 zein eitb.eus-en zuzenean jarraitu ahal izango da. EiTB taldeak jarraipen estua egingo dio jaialdi osoari.
Nazioarteko hainbat aktore espero dira hurrengo egunetan Donostian: Juliette Binoche, Ryan Gosling eta Robert Pattinson, besteak beste. Judi Dench eta Dani DeVito izango dira aurtengo Donostia Sariak.
Eta etxeko ekoizpenei dagokienez, 20 euskal film aukeztuko dira.
