Erregetako Loteriaren bitxikeriak

Erregetako Loteriaren zozketak diru gutxiago banatzen du saritan, baina horrek ez du esan nahi garrantzitsua ez denik; joan den urtean, adibidez, 840 milioi banatu zituen, eta Estatuko zozketa nagusitan bigarrena da.

Jakina da 1966. urtea baino lehen hasi zirela zozketa hau egiten, baina urte horretan hartu zuen oraingo izena. Antza denez, 1941ean egin zuten zozketa lehenengoz.

1965. urtera arte, zozketak modu tradizionalean egiten ziren; hots, bonbo batean zenbakiak sartzen zituzten eta beste batean sariak. Ordutik aurrera, berriz, bonbo gehiago erabiltzen hasi ziren; milako hamarrekoetarako bat, milakoetarako bat, ehunekoetarako bat...

Erregetako zozketa hau urtarrilaren 5ean egin zen 2000. urtera arte, baina, gerora, urtarrilaren 6an ospatzen hasi ziren, gaur egun arte.

Gehien, 0 zenbakiaz amaitu da saridun zenbakia; 20 aldiz gertatu da hori. 7 eta 9 zenbakiak ere askotan errepikatu dira saridun zenbakiaren amaieran; 13 aldiz atera da zenbaki bakoitza kokagune horretan.

Avilan, Huelvan, Ourensen, Salamancan, Tarragonan eta Zamoran ez dute inoiz sari nagusia jaso.