Herri Kirolak

Hiru aldiz izan da Pentatloiko txapeldun Joxe Mari Olasagati. Makina bat desafio egin ditu aizkolari onenen aurka. Harria jasotzen, zegan eta korrikan ere goi mailako kirolaria izan da igeldoarra. Orain, lehia utzia badu ere, apustuetan jarraitzen du, saltsa hori biziki gustuko du eta.

Neguko "Harri Herri" saioko bigarren jardunaldian, Jokin Eizmendik Xabat Olaizolaren marka berdindu du. Emakumezkoetan Lierni Osak egin du markarik onena, 13 jasoaldi, Maddi Gesalagak baino bat gutxiago. 

Paulo Azpiazuk harri-jasotzea uztea erabaki berri du, lesioak eta bere bizitzako beste eginbehar batzuk tarteko. Harria alde batera uztearen arrazoiez eta bere ibilbideaz jardun gara berarekin.

Karmele Gisasola "Zelai III" herri-kirolariarekin ikasten izan da Armintz Gorrotxategi Mallabian. Txikitan aitzurrarekin oina moztu zuela aitortu du gozogileak, eta badirudi nagusitan ere aizkolari lanetan ez dela oso ongi moldatuko. Giza-probetan ere saiatu da 250 kiloko harriarekin.

Nerea Arrutik, Hodei Ezpeletak, Maddi Gesalagak eta Gari Garmendiak osatutako taldeak 8 puntu eskuratu ditu "Kirol Herri"ren lehen jardunaldian.

Aizkolaritza eta harri-jasotzea uztartzen dituen saio berria martxan da. Igandean, Zarautzeko Aritzbatalde pilotalekuan, jokatuko da lehen jardunaldia. Bi gizonezkok eta bi emakumezkok osatuko dute taldea. Bakarkako finala abenduaren 31n jokatuko da, eta taldekakoa urtarrilaren 17an.

Iker Vicentek hamaikagarrenez irabazi du Nafarroako Aizkolari Txapelketa. Donezteben jokatu den finalean aise nagusituta, Mindegiaren marka ondu du Otsagabikoak.

Mikel Lopetegi "Urra"k irabazi du Euskal Herriko Harri Txikien txapelketa, zazpigarrenez, guztira 12.750 kilo jasota. Maddi Gesalagak, berriz, bigarren urtez jarraian jantzi du Kintopekoen txapela, marka guztiak hautsita guztira 3.900 kilo jasota.  

Iker Vicentek Euskal Herriko Aizkolari Txapelketa irabazi zuen atzo, azaroaren 10ean. Otsagabiarra EiTBn izan da, azken garaipen horren inguruan hitz egiten.

Iker Vicente aizkolaria "Biba Zuek!" saioan izan da, Euskal Herriko Aizkolari Txapelketa laugarrenez irabazi berritan. Dioenez, azken entrenamenduetan oso ongi moldatu zen eta ikusten zituen irabazteko moduan zegoela. Oso pozik dago egindako lanaz, eta bukaeran gozatzea lortu zuen.

Iker Vicentek aurreikuspen guzti-guztiak bete ditu. Otsagabiko aizkolariak Euskal Herriko txapelketa irabazi du, erabateko nagusitasunez. Laugarren txapela da nafarrarentzat.

Patxi Astibia eta Joxe Mari Olasagasti aizkolari ohiak omendu dituzte Euskal Herriko gizonezkoen lehen mailako aizkolari txapelketan, Azkoitian. 

Historiako harri-jasotzaile handienetakoa da Inaxio Perurena, 300 kiloko harrien klubeko azken kidea, eta larunbatean Leitzan egindako agurraz aritu da "Biba Zuek!" saioan. Erakustaldia egin zuen esker ona emateko, eta egin zioten omenaldiak hunkitu zuen.

Sei aizkolari aritu dira lehian, eta Nerea Sorondok bere laugarren txapela eskuratu du. 36 ontzako bi enbor, 45eko beste bi eta bi kanaerdiko moztu behar zituzten, eta beratarra izan da azkarrena. 20 minutu eta 16 segundo behar izan ditu lanak amaitzeko.

Inaxio Perurenak 30 urte baino gehiago eman ditu harriak jasotzen, baina larunbat honetan azkenekoz altxatu du plazan 250 kilokoa. Leitzan esan dio agur harri-jasotzeari, herritarren aurrean.

Leitzarrak amaiera eman dio bere ibilbide profesionalari, Leitzan, bere herrian, antolatutako jaialdian. Leku berean egin zuen lehen saioa harria jasotzen, 5 urte zituela.  

Larunbatean lehiatuko dira Nerea Arruti, Nerea Sorondo, Laiene Pikabea, Uxue Ansorregi, Irati Astondoa eta Karmele Gisasola.

Inaxio Perurena harri-jasotzaileak larunbatean emango dio amaiera bere ibilbideari, Leitzako plazan, duela 36 urte lehen saioa egin zuen lehen tokian. Lesioek eraman dute erabakia hartzera, eta masajista lanetan jarraituko du. Sagardotegi denboraldiaz gozatzeko asmoa du.

Dema Tolosako edo Azpeitiako zezen-plazan izango da, eta bakoitzak 6.000 euro jarriko ditu jokoan. Vicentek bi kana-erdiko abantaila emango dio Otañori.

ETBn egindako elkarrizketan, Euskal Herriko Harri-jasotze Txapelketako irabazleak aitortu du "nekatuta" dagoela, baina "oso pozik" egindako lanarekin. Gainera, Ferrolekoak Gurutzetako zirujau lana entrenamenduekin nola uztartzen duen azaldu du.

Patricia Martin galiziarrak irabazi du igande honetan Mungian lehiatu den Euskal Herriko Harri-jasotze Txapelketa ezustekoa emanda. Ainitze Zumeta iazko garaileak ezin izan ditu lanak amaitu. 

Emakumezkoetan, Gesalagak, Patricia Martin debutariak, Olaia Esnaolak eta Estefania Etxebestek egin dute aurrera. Gizonezkoetan, berriz, Xabat Olaizolak eta Aimar Galarragak beste horrenbeste egin dute. 

Kanporaketetan, 21 gizonek eta 17 emakumek hartuko dute parte, eta martxoan jokatuko den "Harri Herri" txapelketan parte hartzea izango dute helburu.

Iker Vicente aizkolariak desafioa bota du, hartu nahi duenarentzat. Asteazkenean Tolosako Cantabrico tabernan izango da, aurkaririk prest balego, apustuaren nondik norakoak ixteko.

Euskal Herriko ardi-moztaileen lehen txapelketan, Abadiñon, Joseba Ugaldek irabazi du artaziekin eta Mikel Etxebarria nagusitu da makinarekin. Txapela lortzeaz gain, Zeelanda Berriko Munduko Txapelketarako txartela ere lortu dute.

Gaur jokatuko da Euskal Herriko ardi-moztaileen lehen txapelketa, Abadiñon. Askorentzat ezezaguna den modalitate honetan epaileek zer hartzen duten kontuan azaldu digu Ipar Arrindak.

Larunbatean, Euskal Herriko ardi-moztaileen lehen txapelketa jokatuko da Abadiñon. Joseba Attard funtsezkoa izan da hori egin ahal izateko eta ofizialtasuna lortzeko.

17:30etik aurrera, ETB4n eta eitb.eus-en izango da ikusgai Euskal Herriko ardi moztaileen txapelketa. Martxoan Zeelanda Berrian jokatuko den Munduko Txapelketarako txartela dago jokoan.

Euskal selekzioak zilarrezko domina lortu du Nottinghamen (Ingalaterra), Munduko Sokatira Txapelketan, gizonezkoen 560 kiloko kategorian, finalean Suitzaren aurka galdu eta gero.

Euskal Herriko 23 urtez azpiko talde mistoak brontzea bereganatu du Nottinghamen (Ingalaterra), Munduko Sokatira Txapelketan, hirugarren posturako lehian Suitza menderatuta.

Euskal selekzioak urrea irabazi du Nottinghamen (Ingalaterra) jokatzen ari den Munduko Sokatira Txapelketan, gizonezkoen 600 kiloko kategorian final estuan Suitza menderatuta.

Nottinghamen (Ingalaterra) jokatzen ari den Munduko Sokatira Txapelketan, Goiherrik zilarra bereganatu du emakumeen 23 urtez azpiko modalitatean; Gaztedik, berriz, brontzea 540 kilokoan.

Munduko Sokatira Txapelketan, Nottinghamen (Ingalaterra), bi euskal talde izan dira aurrez aurre 560 kiloko kategoriako gizonezkoen finalean: Gaztedi eta Goiherri. Lehia estua izan dute, eta, azkenean, hirugarren tiraldian, Laukizko taldeak mendean hartu du Erandiokoa. 

Nottinghamen da lehia, gaur hasita. Goizean, bi euskal talde aritu dira gizonezkoen 600 kiloko mailan, baina ez dute dominak irabazteko borrokan sartzerik izan. 

Boisen (AEB) erakustaldi batzuk eman ondoren, Otsagabiko aizkolariak Ramon Latasa Memoriala irabazi zuen Sunbillan, eta orain astebete Urrezko Kopa eskuratu zuen Donostian, bosgarren aldiz.

Zumetak, gainera, berak aurretik jarritako marka ondu du, 70 kiloko harriari 23 altxaldi emanda. Mikel Lopetegik, berriz, 135 kiloko harria 18 aldiz altxatu du, Paulo Azpiazuk baino altxaldi bat gehiago eta Beñat Telleriak baino hiru gehiago eginda. 

Otsagabiko aizkolariak Txikia IV.a, Mikel Larrañaga, Hodei Ezpeleta eta Joxean Etxeberria garaitu ditu ostiral honetan Donostiako Trinitate Plazan.

Julen Gabirondo segalaria Euskal Telebistako saio berezian izan da, Lur Errekondorekin batera. Klaudio Landak galdera argia egin dio: "Ausartuko zinateke 'El Conquistador' saioan parte hartzera?". Erantzunak txundituta utzi gaitu!