Prestaketa

Legatz solomoa

Legatzari solomoak atera, gatzatu, eta saltsa berdean sartu, egin arte, 5-6 minutu.

Saltsa berdea

baratxuri xerratua oliotan gorritzen jarri, eta legatz hezurrak sartu. Buelta batzuk eman ondoren, irina gehitu, ondo nahastu, eta ardo zuria bota. Ondo murriztu, eta ura sartu; 15 minutuz irakiten utzi, iragazi, eta loditasun pixka bat hartu arte sutan utzi.

Txipiroi tagliatelleak

Txipiroi garbiak tira fin luzeetan zatitu. Bestalde, baratxuri txikitua, gatza, perrexila eta olioa nahastu, eta txipiroi tagliatelleak bertan sartu, beratzeko.

Bukaera

Txipiroiak oliotatik atera, eta zartagin bero batean minutu batez salteatu bixkor-bixkor; tomate konfitatuak eta ziazerba hostoak gehitu, eta sutatik atera. Plater sakon bat hartu, eta legatza jarri; gainean, txipiroi tagliatelleak barazkiekin eta saltsa berde pixka bat; perrexila bota, eta txipiroi tinta olioarekin apaindu.