Publizitatea
X

Irratia zuzenean

Ibon Urrengoetxearen hilketaren beste ustezko errudun bat aurkeztu da epaitegian

Gizartea

Ikerketa

Urrengoetxearen hilketaren beste ustezko errudun bat aurkeztu da epaitegian

Agentziak | Erredakzioa

2018/01/08

Bigarren hau ere adin txikikoa da, baina 16 urte dituenez, erantzunkizun penala izan dezake.

1:27
  • Whatsapp
  • Bidali

Ibon Urrengoetxea zornotzarraren hilketarekin zerikusia izan dezakeen bigarren adin txikikoak bere burua aurkeztu du Bilbon guardian dagoen epaitegian. Adin txikikoa izan arren, 16 urte dituenez, erantzunkizun penalak eska dakizkioke. Ertzaintzak identifikatuta zuen gaztea, eta orain Adingabeen Fiskaltzaren esku geratuko da, ikerketako iturriek Europa Press agentziari jakinarazi dionez.

Zornotzarraren heriotzarekin zerikusia izan dezakeen beste gazteak 13 urte ditu; hortaz, ezin dute ez atxilotu, ezta inolako deliturik leporatu ere.

Joan den astean identifikatu eta gero, Ertzaintzak Adingabeen Fiskaltzaren esku utzi zuen informazioa. Bietan gazteenak deklaratu ondoren, bestea bilatzeko agindua eman zuen Fiskaltzak.

Ibon Urrengoetxea zornotzarra abenduaren 23an hil zuten Bilbon, Abando auzoan bi pertsonak eraso egin ostean. Goizaldeko 04:20ean, bi gazte gerturatu eta jo egin zuten Nafarroa eta Ripa kaleek bat egiten duten tokian. Urrengoetxea han bertan hil zen.

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena