Mundua -
Urakana
Larrialdi egoera aktibatu dute Mexikon 'Bub' zikloia iristear baitago
Iragarpenaren arabera, 'Bud' zikloia ostegun honetan helduko da Hego Kalifornia Beherera, Kaliforniako golkoa igaroko du eta ostiralean Sonorara helduko da,
Agentziak | Erredakzioa
Mexikok larrialdietarako protokoloa aktibatu du Bud zikloia Hego Kalifornia Behereko kostaldera iristear baitago; ekaitz tropikal gisa zeharkatuko du estatua, eta kostaldeko ipar-mendebaldetik sartuko da, Sonoratik.
Iragarpenaren arabera, Bud zikloia ostegun honetan helduko da Hego Kalifornia Beherera, Kaliforniako golkoa igaroko du eta ostiralean helduko da Sonorara, Mexikoko Babes Zibilak jakitera eman duenez.
San Lucas lurmuturretik (Hego Kalifornia Beherea) 350 kilometrora zegoenean, orduko 65 eta 100 kilometro arteko haize boladak zituen, eta ipar-mendebalderako bidea hartuko du.
"Mexikoko kostaldera hurbildu ahala, zikloiak indarra galduko du eta ekaitz tropikal gisa sartuko da Hego Kalifornia Beherean", agintarien esanetan.
Gainera, zikloiaren ondorioz, metro koadroko 100 eta 150 litro artean pila daitezke eta 3 metroko olatuak espero dituzte.