Sargoriaren ondoren, ekaitza ostiral honetan

Eusko Jaurlaritzak abisu horia ezarriko du ostiral honetan, uztailak 26, eurite handiengatik. EAEko zenbait puntutan, bereziki kostaldean, 15 litro ur pilatuko dira metro karratuko.

Aurreikuspenen arabera, ostiralean euria egingo du, eta baliteke ekaitz handiak ere izatea. Leku horietan, haize boladak ere indartsuak izango dira.

Gaur, osteguna, beroagatik dago abisu horia Euskadin. Izan ere, tenperaturak 36 ºC-ra iritsi daitezke.

Horren ondorioz, gainera, baso sute arriskua dago EAEn, baina 18:00etatik aurrera euria egin dezake Araban eta Gipuzkoan, batik bat ekialdean.