Zaparrada mardulengatik abisu horia ezarri dute iganderako Bizkaian eta Gipuzkoan

Igande honetan Bizkaian eta Gipuzkoan zaparrada mardulak izango direlakoan, abisu horia ezarri du Eusko Jaurlaritzako Segurtasun Sailak.

Abisua indarrean egongo da 06:00etatik 15:00ak arte, ordu horien bitartean zaparrada ertainak botako dituelako. Zeinbat lekutan, zaparradak handiak izan daitezke eta ekaitzak jo dezake.

Ostiral honetako 00:00ak pasata, Gipuzkoako Eskas meteorologia-estazioak metro karratu bakoitzeko 17,8 litro ur bildu ditu, Euskadin izandako kopururik handiena.

Igande honetarako, Euskalmet Euskal Meteorologia Agentziak iragarri duenez, egunaren lehenengo parterako zaparradak espero dira, mardulak kostaldean, baina hegoaldean gutxi botako du. Haizeak ipar-mendebaldetik jotzen jarraituko du, eta tenperaturak gradu pare bat gora egingo du.