Ramon Beitiak irabazi du perretxikoen inguruko Erronka

Ramon Beitiaren argazki batekk irabazi du "Perretxikoak" gaitzat izan duen 'Erronka'. Gai horren inguruko argazki eta bideoak bidali dituzte lau egunez (urriaren 8tik 11ra) erabiltzaileek ETBko Eguraldia saioak eta eitb.com-ek antolatutako lehiaketara. Asteburu luzean egindako bozketetan, garaile atera da erabiltzaile eibartarraren argazki dibertigarriak, botoen %9 eskuratuta. Bigarren postua bi lagunek erdietsi dute: Jose Luis Cazallasek eta Bego Arizmendik, izan ere, botoen %8 jaso dute biek ala biek. Joaquin Sanchezen argazkiak hirugarren postua (botoen %7) lortu du.

Honenbestez, bigarren erronka honetako irabazlea da Ramon Beitia. Boto-ematea oso berdinduta egon da eta, gutxi-asko, denek izan dute babesa. Hona emaitzak:

Ramon Beitia %9
Jose Luis Cazallas %8
Bego Arizmendi %8
Joaquin Sanchez %7
Carlos Ramos %5
Josetxo Apeztegia %5
Jose Mari Igartzabal %4
Inocencio Goikuria %0

Ramon Beitiak berak 3 puntu izango ditu urriko zozketarako, edukiak bidaltzen parte hartu duten guztiek, bi; eta botoa eman dutenek, bat.

OHARRA: Gorabeherak izan dira boto emateko moduluan eta, zenbat unetan, erabiltzaileek ezin izan dute botorik eman. Lehiaketaren antolatzaileek gertatutakoa aztertuko dute eta berriz ez gertatzeko neurriak hartuko dituzte. Barkamenak eskatu nahi dizkiegu kaltedunei.