'Erronka' lehiaketaren oinarrietan aldaketa bat dago

Asteak daramazkigu Eguraldiko 'Erronka' lehiaketa egiten. Astelehenetik aurrera gai jakin baten inguruko edukiak (argazkiak eta bideoak) eitb.com atarira igotzeko aukera dute erabiltzaileek. Epaimahaiak 10 finalista aukeratzen ditu eta ostiraletik igandera bitarte botoa emateko aukera izan ohi du eitb.com atarira sartzen den orok (aste honetan, aldiz, urriaren 26 da botoa emateko eguna, hori bai).

Lehiaketan parte hartu duten lagunen artean, bai edukiak bidaliz baita zozketan argazki gustukoenari botoa emanez, sari potolo bat zozkatuko dugu. Irabazleak bi pertsonentzako astebeteko itsas bidaia lortuko du, eta hemen dator oinarrietan izandako aldaketa: irabazleak eta bidaian harekin joango denak 290 euro ordaindu beharko dituzte (145, bakoitzak) portuko tasen eta bidaiaren aseguruaren truke.

Zozketa urriaren 26an egingo da eta irabazlearen izena urriaren 29an jakinaraziko da eitb.com-en eta ETBn. Irabazleak edo hark izendatutakoak bidaiariak joaterik ez balute, beste zozketa bat egingo litzateke.