Gaztea
Abenduaren 3an, Durangon
LUZIA ZUGADI | EITB.EUS
Larunbatean, bideo-jokoekin lotutako tailerrak, erakustaldiak eta hitzaldiak egongo dira egun osoan zehar Durangoko Azokan, Game Erauntsiaren eskutik.
Durangoko Azokaren bigarren egunean euskarazko bideo-jokoek leku garrantzitsua beteko dute Landakon. Hala, Game Erauntsia elkartearen eskutik, egitarau zabala prestatu dute antolatzaileek, euskal bideo-jokoen hedapenari merezitako garrantzia emateko.
Hori horrela, goizean Kabi@ gunean egongo dira, 11:00etatik 14:00etara. Han, tailer ezberdinak emango dituzte: Stepmaniarako abesti bat nola prestatu, OBS grabazio programaren erabilera, jolas bat euskaratzeko eman beharreko pausoak eta beste hainbeste.
Bazkalosterako, berriz, Gari Infernu Game Erauntsiako kideak Pokemon Goren topaketa antolatu du, eta arratsaldean, berriro ere, Kabi@ gunean izango dira (16:30etik 18:30era), "ARK" euskarara nola itzuli duten azaltzeko. Halaber, aipatu jokoan aritzeko aukera izango dute bisitariek, eta "Trackmania Nations Forever" auto lasterketen jokoa ere aurkeztuko dute.
Egunari amaiera emateko, 18:30ean Iban Lantxok bideo-jokoen euskaratze prozesuari buruzko hitzaldia emango du. Finean, euskaratuta dauden bideo-jokoen historia errepasatu eta egungo egoeraren erradiografia egingo du berorrek.
Irratia zuzenean
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
Edukiak zuzen ikusteko, eguneratu nabigatzailea
Gure webeko funtzio batzuekin bateragarritasun arazorik ez izateko, nabigatzailea eguneratu eta bertsiorik berriena jartzea gomendatzen dizugu.
Gutxienez bertsio hauek izatea komeni da:
- Google Chrome 37
- Firefox 40
- Internet Explorer Edge
- Safari 2
- Opera 36
Nabigatzailearen zein bertsio duzun jakiteko, whatbrowser.org erabil dezakezu.