Gaztea

10:02

Gaztea

Musika

Paulo Londraren itzulera: 15 milioi ikustalditik gora, abesti berria estreinatu eta 10 ordura

B. F. | EITB Media

Rap musikari argentinarrak abesti berria atera du, bi urtetik gorako isilunearen ostean. “Plan A” da publikatu berri duen singlea.

  • Paulo Londra

    Paulo Londra. YouTubeko bideoklipetik ateratako irudia

  • Whatsapp
  • Whatsapp
  • telegram
  • Bidali
  • Esteka kopiatu

Paulo Londra argentinar rap musikaria bueltan da, bi urtetik gorako isilunearen ostean. "Plan A" da atera berri duen singlea, eta YouTuben daramatzan 10 orduetan 15.300.000 ikustalditik gora izan ditu.

2017an, 19 urterekin, murgildu zen Londra musika urbanoaren munduan. Big Ligas diskoetxeko Kristo eta Daniel Oviedo ekoizle ezagunekin hasi zen lanean, Kolonbian. Urtebete geroago, bi produktoreekin arazoak izan zituen. Hainbat kontratu sinatzera behartu eta diruaren portzentaje handiegia eraman zutela salatu zuen artistak.

Hiru musikarien arteko polemikak eztabaida piztu zuen sare sozialetan. Hainbat musikari ezagun Londraren alde agertu ziren publikoki, Ed Sheeran eta Duki kasu.

Afera epaitegietara iritsi zen, eta 2021ean Big Ligas zigilutik aldentzea lortu zuen musikari argentinarrak. Gerora, izandako esperientzia negatiboa tarteko, bakarkako ibilbideari ekitea erabaki du Londrak.

Iruzkinak

    • Irratia zuzenean

    Gaztea Entzun zuzenean