EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

17:24

EAE-ko Hauteskundeak 2020

APIRILAK 5

Iriarte: "Herritarrak aintzat hartu eta egia esango duen Gobernua behar dugu"

EITB.EUS

EH Bilduren Ondarroako egoitza berriaren inaugurazio ekitaldian hitz egin du lehendakarigaiak. Zaldibarko zabortegiaren luizian desagertutako bi langileak izan ditu gogoan, hitzaldiaren hasieran.

  • Maddalen Iriarte, gaur, Ondarroan.

    Maddalen Iriarte, gaur, Ondarroan. Argazkia: @ehbildu

  • Whatsapp
  • Whatsapp
  • telegram
  • Bidali

Maddalen Iriarte Eusko Legebiltzarrerako hauteskundeetako EH Bilduren lehenkarigaiak herritarrentzat eta herritarrekin lan egingo duen Gobernu bat eraikitzeko premia nabarmendu du gaur, ezker abertzaleko koalizioak Ondarroan zabaldu duen egoitza berriaren inaugurazio ekitaldian.  "Behar dugu gobernu bat herritarrak aintzat hartuko dituena, arduraz jokatuko duena, herritarrentzat erantzunak izango dituena, autokonplazentzian jausi gabe eta gauzak biharko utzi gabe", esan du.

Zaldibarko zabortegiaren luizian desagertutako bi langileak gogoratuz hasi du bere hitzaldia Iriartek, eta "ziurgabetasun handiko garaiak bizi" ditugula esan du. Horren aurrean,  herritarrei "bide ziurrak" eraikitzen laguntzeko prest agertu da EH Bildu.

Herri modura Euskal Herriak "izugarrizko erronkak" dituela azpimarratu du EH Bilduren lehendakarigaiak, eta besteak beste, trantsizio energetikoa, demografia, industria, lehen sektorea, hezkuntza eta osasun sistema aipatu ditu. "Horregatik behar dugu beste alde batetara begiratuko ez duen gobernu bat, jendea zainduko duena, bizi proiektu bat egiteko bidea erraztuko duena", gaineratu du.

Mundua aldatzen jarraitzeko "konpromisoa" eskatu die bertan bildutakoei Iriartek, "aldaketak beti talde txiki konprometituetatik hasten" direla nabarmen du. "Herri hontan asko dakigu hortaz", zehaztu du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena