EAE-ko Hauteskundeak 2024 -
Apirilak 5
Gernikako Estatutua beteko duela ziurtatu du Sanchezek
Idoia Mendia PSE-EEko buruzagiarekin batera hautagaitzen aurkezpen ekitaldian parte hartu du Espainiako gobernuburuak.
Agentziak | Erredakzioa
Pedro Sanchez Espainiako gobernuburuak Gernikako Estatutua beteko duela ziurtatu du igande honetan. Elkarrizketak lurraldetasunean "bidea zabalduko" du eta "oztopoen" aurrean "adiskidetasuna gailenduko" da, nabarmendu duenez.
Idoia Mendia PSE-EEko buruzagiarekin batera apirilaren 5erako hautagaitzen aurkezpen ekitaldian parte hartu du Espainiako gobernuburuak Gasteizen. Mendia izango da Bizkaiko zerrendaburua, Eneko Andueza Gipuzkoakoa eta Gloria Sanchez Arabakoa.
PSE-EErenganako errespetu sakona agertu du PSOEko idazkari nagusiak. Lurraldetasunean, "zalaparta bultzatu nahi dutenek" zabaldutako "arrakala" kritikatu du Sanchezek. Alderdi Sozialistak "konbertituak onartzen" dituela erantsi du. "Espainiako sozialismo demokratikoari Konstituzioarenganako konpromisoaren inguruan leziorik" ezin diotela eman ohartarazi du.
