EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

13:57

EAE-ko Hauteskundeak 2020

Bilbon

Lopez: 'EAEren arazoa elkarbizitza da ez Espainiarekin duen harremana'

Erredakzioa

Patxi Lopezen arabera, nazionalistentzat dena "Euskadiren eta Espainiaren arteko norgehiagoka" da eta "identitatearen kontuarekin itsututa" daudela salatu du.

00:31
  • Whatsapp
  • Whatsapp
  • telegram
  • Bidali

Patxi Lopez lehendakariaren arabera, "Euskadiko arazoa elkarbizitza da, ez Espainiarekin duen harremana".

Lehendakarigai sozialistak alderdiko boluntarioen egoitza inauguratu du, Bilboko Errekalde auzoan. 415 kidek "sozialisten mezua euskal kaleetan zehar zabalduko" dutela eta herritarren arazoen "belarriak" izango direla azaldu dute.

Bestalde, Lopez Alderdi Egunaz mintzatu da. "Guk autogobernua defendatzen dugu, beste batzuek, ordea, Arabako zelaietan, Goodbye Spain (Agur, Espainia) eta independentziaren aldeko oihuak egingo dituzte".

Lopezen arabera, nazionalistentzat dena "Euskadiren eta Espainiaren arteko norgehiagoka da; identitatearekin itsututa daude". Ildo honetan, arazoa ez da "Euskadiren eta Espainiaren arteko harremana, arazoa hemen dago, euskal herritar ezberdinen arteko elkarbizitzan", adierazi du.

PPren aurkako kritikak ere egin du Patxi Lopezek, eta "Rajoyren murrizketen aurka azaldu den erkidego bakarra izan gara", aipatu du.

Azkenik, Arnaldo Otegiren aurka ere mintzatu da; izan ere, argitaratu berri duen liburuan, Euskadin bakea lortzearen merezimendua ezker abertzaleak duela esan du.

Lehendakariaren arabera, "ez diegu ezer zor; eurek mantendu dute indarkeria 40 urtez, txalo egiten baitzuten, eta orain, errealitate hori onartu behar dute", ondorioztatu du.




Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena