EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

14:24

EAE-ko Hauteskundeak 2020

Rajoyrekin, Madrilen

Basagoitiren ustez, Urkulluk 'bere anaia' Masen bideari jarraituko dio

Erredakzioa

Presidenteak Basagoiti "egonkortasunaren adibide" dela esan du. "Euskadin, Konstituzioaren eta Gernikako Estatutuaren barnean, legea betetzeko berme bakarra da buruzagi popularra", dio Rajoyk

  • Basagoiti, Rajoy eta Aguirrerekin batera. Argazkia Efe

    Basagoiti, Rajoy eta Aguirrerekin batera. Argazkia Efe

  • Whatsapp
  • Whatsapp
  • telegram
  • Bidali

Antonio Basagoiti hurrengo hauteskundeetarako PPko hautagaiak uste du hauteskunde kanpaina "Kataluniako Generalitateak aukeratutako hausturak" baldintzatuko duela, eta, horren harira, Iñigo Urkullu EAJko hautagaiak "bere anaia Artur Masek hartutako bideari" jarraituko diola adierazi du.

Basagoitik Mariano Rajoyrekin batera Madrilen egindako gosari informatibo batean hartu du parte, eta bere alderdia "etsita ez daudenentzat alternatiba bakarra" dela azaldu du. "Indenpendentzia hondamendira eramango gaituen bidea dela uste dutenentzako alternatiba bakarra gara", gaineratu du.

Horrez gain, PSE "lekuz kanpo dagoen alderdia" dela dio: "Ez dauka erantzunik, ez dauka gai garrantzitsuekiko posizio finkorik, ez dauka berezko profilik eta zalantza izugarriak sortzen ditu". Sozialistak "etsita" daudela gaineratu du Basagoitik, eta horrek EAJri eta "bere haustura proiektuari" soilik laguntzen diola nabarmendu du.

"Egonkortasunaren adibide"

Bere aldetik, Mariano Rajoy Gobernuko presidenteak Basagoiti "egonkortasunaren adibide" dela esan du. Rajoyren arabera, "Euskadin, Konstituzioaren eta Gernikako Estatutuaren barnean, legea betetzeko berme bakarra da buruzagi popularra".



Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena