EAE-ko Hauteskundeak 2024 -
Elkarrizketa
Oyarzabal: ‘PPren aurkako kanpaina egin dute, krisia dela eta’
'Aurreikus zitekeen, Bilduren agerpenarekin eserlekuak galduko genituela', PPren Euskadiko idazkari nagusiak Radio Euskadin egin dioten elkarrizketan azpimarratu duenez.
Onintza Aiestaran
Iñaki Oyarzabal PPren Euskadiko idazkari nagusiak aitortu duenez alderdiaren egoera zaila zen urriaren 21eko hauteskunde autonomikoei begira: “PPren aurkako kanpaina egin dute, krisi ekonomikoa dela eta.” Bestalde, “aurreikus zitekeen eserlekuak galduko genituela, Bilduren agerpenarekin, eta horrela izan da", Radio Euskadin egin dioten elkarrizketan jakinarazi duenez.
“Zehatz-mehatz aztertu beharko ditugu hauteskundeetako emaitzak”; izan ere, “emaitza hobeak espero genituen, baina espazioari eutsi diogu.”
“Nazionalismoaren eta independentismoaren aurrean maila ematea lortu dugu, emaitzek erakusten dutenez.” "Bien bitartean, PSE-EEk beherakada handia izan du”, azpimarratu du Iñaki Oyarzabalek.
Datorren legegintzaldiari begira, "Alderdi Popularraren ekarpenak moderazioa eta zuhurtzia izango dira, eta bizikidetzako gure esparruaren alde egingo dugu", gaineratu du.
