Gazteriaren 'ahotsa' Europara eraman nahi du EH Bilduk

EH Bildu koalizioak "Euskal Herriko gazteriaren ahotsa" eraman nahi du Europako parlamentura.

Josu Juaristi EH Bilduren Europako hauteskundeetarako hautagaiak agiri bat kaleratu du Donostiako EHUko kanpusean gazteen eztabaida batean parte hartu ostean.

Juaristik adierazi duenez, "beste sektore batzuekin batera", "krisialdiak gogor jo du gazteria" eta, bere ustez, "Europako Parlamentuak behar duen haize freskoa eramango dute".

Azkenik, gogoratu du Donostiako ekitaldia EH Bilduk martxan jarri duen ekimen baten baitan dagoela. Sektore sozial ezberdinen iritziak eta proposamenak jasotzen saiatu dira, maiatzaren 25eko hauteskundeetara aurkeztuko diren hauteskunde-programa zehazteko.