Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

00:20

Albisteak

Europako Hauteskundeak

ERCk boto kopurua hirukoiztu du eta CiUri irabazi dio Katalunian

Erredakzioa

Oriol Junqueras ERCren burua oso gustura agertu da lortutako emaitzarekin, eta garaipena "azaroaren 9ko kontsultaren zerbitzura" jarriko dutela iragarri du.

  • Josep Maria Terricabras ERCren hautagaia.

    Josep Maria Terricabras ERCren hautagaia. Argazkia: Efe

  • Whatsapp
  • Whatsapp
  • telegram
  • Bidali

ERCk irabazi ditu Europako hauteskundeak Katalunian; izan ere, 2009ko hauteskundeetan jasotako botoen kopurua hirukoiztu du, eta hautesleen % 23,67ren babesa lortuta, CiUri gailendu zaio, azken horrek botoen % 21,86 lortu baititu.

Botoen % 99,6 zenbatuta, CiUk 2009an baino 100.000 boto gehiago jaso ditu, baina ehunekotan sei hamarren jaitsi da. PSC izan da hirugarren indarra, botoen % 14,28 eskuratuta, baina 2009an lortu zituen botoen erdira jaitsi da.

ICV-EUiAk PPk baino boto gehiago lortu ditu Katalunian, guztira 257.000 (% 10,3), 2009an halako bi. PPk, berriz, duela bost urte baino 100.000 boto gutxiago jaso ditu, eta % 18tik % 9,8ra jaitsi da.

Ciutadansek botoen % 6,3 lortu ditu; Ahal Duguk, % 4,66, eta UPyDk, % 1,29.

Oriol Junqueras ERCren burua oso gustura agertu da lortutako emaitzarekin, eta garaipena "azaroaren 9ko kontsultaren zerbitzura" jarriko dutela iragarri du.

Parte-hartze handia

ERCren garaipenaz aparte, bozketan izan den parte-hartze handia da Europako hauteskundeek Katalunian izan duten datu azpimarragarriena. Izan ere, % 10,69 igo da parte-hartzea aurreko Europako hauteskundeen aldean, % 47,63raino.

Multierreferendum mahaiak

Europako hauteskundeekin batera Katalunian egin dituzten multierreferendumeko hainbat mahai erretiratu dituzte Esquadra Mossoek, Albert Puy galdeketaren antolatzaileak salatu duenez. Guztira 276 mahai jarri dituzte Katalunian.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena