Hauteskunde Orokorrak -

A28

Parte-hartzea %59,97koa izan da EAEn eta %60,97koa Nafarroan 18:00etarako

Parte-hartzeari dagokionez, 2016ko hauteskundeen aldean, 8,5 puntuko igoera izan da EAEn eta 9 puntukoa Nafarroan. Parte-hartzea %9,5 igo da Espainiako Estatuan eta %17,8 egin du gora Katalunian.

2019ko hauteskunde orokorretako bozketaren parte-hartze datuak. Argazkia: Efe
2019ko hauteskunde orokorretako bozketaren parte-hartze datuak.
2019ko hauteskunde orokorretako bozketaren parte-hartze datuak. Argazkia: Efe

agentziak | erredakzioa

Whatsapp Facebook Twitter Telegram Email

18:00etarako, hauteskunde orokorretako parte-hartzea % 59,97koa izan da EAEn, eta % 60,97koa Nafarroan; beraz, 2016ko ekainaren 26ko hauteskundeen aldean, % 8,5 inguruko gorakada izan da EAEn eta % 9 ingurukoa Nafarroan, Espainiako Barne Ministerioak jakinarazi duenez.

Bizkaian, % 62,33koa izan da parte-hartzea ordurako (% 53,03koa izan zen 2016an); Gipuzkoan, % 59,91koa (% 49,88); Araban, % 51,80koa (% 48,52), eta Nafarroan, % 60,97koa (% 51,77).

Espainiako Estatuan, parte-hartzea % 60,64koa izan da 18:00etarako. Duela hiru urte, % 51,21ekoa zen ordu horretarako, 17.715.754 boto-emailerekin, eta aurten 3,4 milioi gizon-emakume gehiagok eman dute botoa ordu horretarako; 21.122.340 lagunek, zehazki.

Kataluniann, % 64,20koa izan da parte-hartzea 18:00etarako, inoizko marka altuena ordu horretan, % 17,8ko igoerarekin. Azken hauteskundeetan baino milioi bat pertsona gehiagok eman dute botoa ordu horretarako.

Hau zure interesekoa bada, baliteke beste gai hauek ere izatea
Politika Nafarroa Euskal Autonomia Erkidegoa Albisteak Hauteskundeak