Nafarroan bigarren hauteskunde-itzulia izatea errefusatu du Araizek

Adolfo Araiz Nafarroako presidentetzarako EH Bilduko hautagaiak iragarri duenez, Nafarroan ez dira hauteskunde-hitzordu bi izango. Gainera, "une hauetan Nafarroa larrialdi sozialean" dagoela nabarmendu du. Koalizioaren zinegotziekin, alkateekin eta parlamentariekin izan da Araiz, larunbat honetan izandako ekitaldi batean.

Araizek azpimarratu duenez, "EH Bilduren esku egonez gero, ez da bigarren hauteskunde-itzulia izango, une hauetan Nafarroa larrialdi sozialean baitago".

Araizen irudiko, "UPNren, PSNren eta PPNren erregimena suntsitzen ari da, haiek ikusi nahi ez badute ere". "Gehiengo batek aldaketa eskatzen du Nafarroan", esan du, "betiko erregimena urduri dago, eta horren adierazle garbiena da horren hondapena".

"Azken egunotan Esparzari eta Chiviteri entzun diegu, eta betiko errezetari eutsi diote: bazterkeria eta Nafarroako aniztasunari errespetu falta", salatu du.

Bestalde, "40 urtez batu dien bunker horri eutsi nahi diote, eta guztia berdin jarraitzeko asmoz, euren akordioei eutsi nahi diete".

Araizek adierazi duenez, "hauteskunde-kanpaina gogorra nahi dute, gizartea urduri jarri nahi dute, beldurraren diskurtsoa zabaldu nahi dute, baina ez dute lortuko". "Erregimenak asko gañ dezake, baina Nafarroak dena irabaz dezake", gaineratu du.