Igogailu batek Miribilla eta Zazpikaleak konektatuko ditu

Bilboko Udalak igogailu bat jarriko du Miribilla auzoa Alde Zaharrarekin eta Zazpikaleekin konektatzeko, eta, horretarako, aldaketak egin ditu Hirigintza Planean.

Igogailuak 31,05 metroko malda bat gaindituko du, Juan Carlos de Gortazar eta Askatasuna kaleen artean.

Azpiegitura hori hezkuntzarako bideratuko duten udal lursail baten gainetik pasatuko da; horregatik aldatu behar izan dute Hirigintza Plana.