Herriak eta Hiriak
Barakaldo
Manifestazioa deitu dute Larrea ikastetxean eraso zuten bikoteari babesa emateko
agentziak | erredakzioa
Ostiralean, 18:45ean, abiatuko da martxa Larrea hezkuntza eskolan, eta udaletxean amaituko da.
Manifestazioa deitu du Barakaldoko Larrea ikastetxeko Guraso Elkarteak asteartean erasotako bikoteari babesa emateko. Ostiralean izango da, maiatzaren 10ean. Eskolan abiatuko da, 18:45ean, eta amaiera emango diote udaletxean.
Antza denez, asteartean, maiatzaren 7an, bi anaiak, 24 eta 26 urtekoak, beste bi gurasori eraso zieten arma zuriak edo kristalak eta su-itzaltzailea erabiliz. Borroka egun bat lehenago hasi zen bi haurren arteko arazoak zirela medio.
Ertzaintzak bi gazteak atxilotu zituen Gurutzetako Ospitalean artatuak izan ostean; hala ere, anaiak aske daude epaiketaren zain.
Bestalde, bikotea San Eloy ospitalean artatu zituzten su-itzalgailuak eragindako intoxikazioagatik. Gainera, gizonak labankada zauriak zituen.
