Amarauna
Gastronomia
Zero Kilometroko Poke Bowlak, Hawiitik Euskal Herrira zuzenean
Arantxa Arza | EITb Media
Gure Poke enpresak Hawaiiko Poke Bowlak eskaintzen ditu, osagai guztiak 0 KM erabiliz. Arroza, hegaluzea, antxoa, uraza... guzti-guztiak bertokoak, baina bowl hawaiiarretan tajutuak, hamar euro inguruan.
-
Euskal Herriko Poke Bowlak
19:58 min
Bitor Agirrek eman digu egiten dutenaren berri. Euskal Herrian bertako produktuak erabiliz Poke Bowlak atontzen dituzte, Mungia, Bermeo eta Bilbon dituzten dendetan. Bertan erosi eta jateko edota eramateko prestatzen dituzte. Oinarrian arroza eta gero barazkiak, arraina, fruitu lehorrak... daramatza bowlak. Jaki freskoak dira beti, eta hotzean kontsumitzen da. Eramateko egokia, Hawaiin jatorria duen elikatzeko mota hau, geroz eta gehiago zabaltzen ari da Euskal Herrian. Hala adierazi du "Amarauna" saioan, Bitor Agirrek, Gure Poke enpresako kideak. Dani Lasak ere eman ditu elikatzeko modu honi buruzko xehetasunak.
