Kaiku eta Hondarribia, Euskadiko Txapelketa irabazteko faborito argiak

Erredakzioa

Azken eguneratzea: 2012/07/30 15:28 (UTC+2)

Sestaoko trainerua, San Miguel Ligako liderra eta Bizkaiko txapelduna, eta 'Ama Guadalupekoa' ontzia, Gipuzkoako txapelduna, ikurrina irabazteko faborito nagusiak dira.

Urdaibai. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Informazio gehiago (1)

Euskadiko Txapelketa, zuzenean, asteartean 12:00:etan

Kaiku eta Hondarribia Orion jokatuko den Euskadiko Traineru Txapelketa irabazteko faborito nagusiak dira. ‘Bizkaitarra’ ontzia sasoi bikainean helduko da probara, Jose Luis Kortaren mutilek San Miguel Ligako lidergoa eta Bizkaiko Txapelketa lortu baitituzte iragan astean. ‘Ama Guadalupekoa’ traineruak, bestalde, Gipuzkoako Txapelketa irabazi du, eta Mikel Orbañanosen mutilak denborali bikaina egiten ari dira.

Gainera, Bizkaiko beste hiru tarineruak Urdaibai, Portugalete eta Santurtzi izango dira. Bermeoko taldea Oriora gogotsu helduko da, ezustekoa emateko helburuarekin. Gipuzkoatik San Juan, San Pedro eta Zumaia ere ikurrina eskuratzeko lehian arituko dira. Arrosak, ‘Bou Bizkaia’ ontziarekin batera, sorpresa ematen saiatuko dira.

Estropada asteartean, uztailaren 31n, zuzenean eitb.com-en eta ETB-1en.