Alaves
Utzita jokatu du azken urtean
Tomas Pinaren fitxaketa ofizial egin du Alavesek
Agentziak | Erredakzioa
ETBk ostiralean aurreratu bezala, jokalariak hiru urteko kontratua sinatuko du, azken denboraldia Brujasek utzita jokatu ostean.
-
Tomas Pina. Argazkia: ETB.
Tomas Pina jokalariak hiru urteko kontratua sinatuko duela konfirmatu du Alavesek, ETBk iragan ostiralean aurreratu bezala. Abelardo entrenatzaileak ere baieztatu du albistea, larunbatean.
Erdilariak Belgikako Brujas taldeak utzita jokatu du talde arabarrean 2017-2018 denboraldian.
Alavesek bere atarian publikatutako oharraren arabera, "jokalariarekin akordioa erabatekoa da, eta azken tramiteak betetzea bakarrik falta da operazioaren berri ofizialki emateko".
Iragan abuztuan Gasteizera iritsi zenetik, Pinak 33 partida jokatu ditu, Ligakoak eta Kopakoak kontuan hartuta, eta horietako 31n hasierako hamaikakoan aritu da. Gol bat egin du, 33. jardunaldian, Gironaren aurkako partidan.
