Alaves
Gironan jokatuko du
Ivan Martinek ez du Alavesen jarraituko
EITB Media
Vila-realek utzita iritsi zen Arabako taldera 2021eko udan. Klubak erabaki du Bilboko jokalariak ez duela jarraituko. Ivan Martinek Gironan jokatuko du denboraldi amaierara arte.
-
Ivan Martin (ALaves), Ruben Garciarekin (Osasuna) lehian. Argazkia: EFE
Ivan Martin ez da jada Alaveseko jokalaria. 2021eko udan Vila-realek utzita iritsi zen Arabako taldera Mirandesekin SmartBank Ligan denboraldi ona egin ostean, baina bi klubak ados jarri dira eta zuten akordioa etetea erabaki dute.
Bilboko futbolariak 269 minutu jokatu ditu Alavesekin, zortzi partidatan; bi Errege Kopan, eta sei Santander Ligan. Arabako taldeak jokalariak irtetea behar du neguko merkatuan fitxatu eta ekarri gura dituen jokalariak Santander Ligan inskribatu ahal izateko.
Martinek SmartBank Ligako Girona taldean jokatuko du denboraldi amaierara arte.
