Athletic Club
Denboraldi-aurrea
Austriako irudi ona eman nahi du Athleticek Benficaren aurka
Erredakzioa
Suitzara joango dira zuri-gorriak ostegunean, eta Benficaren aurka jokatuko dute Friburgon. 29 jokalari daude taldean.
Athleticek Austrian erakutsitako sentsazio onak mantendu nahi ditu denboraldi-aurreko hurrengo partidan, Benficaren aurka Friburgon (Suitza). Txapeldunen Ligako atarikora egoera ezinhobean heltzea da helburua, abuztuaren bigarren zatian.
Ernesto Valverderen taldeak lehenengo hiru lagunartekoak irabazi zituen, eta azkenean berdinketan geratu zen, Werder Bremenen aurka. Bi txartel hori ikusi zituen arren, protesta egiteagatik, Aduriz denboraldi-aurreko berri onetariko bat da.
Aurreko denboraldiaren azken zatian lesionatutako jokalariak taldera itzuli dira. Aduriz, Gurpegi, Ibai Gomez, Kike Sola eta Iñigo Ruiz de Galarreta Valverderen taldean daude jadanik. Ez da arazo fisikorik egon denboraldi-aurre honetan.
Ander Herreraren irteera, gainera, Unai Lopez, Galarreta edo Ager Aketxe harrobiko jokalariek bete ahalko dute, edota Muniainek ere.
Irteeretan, Borja Ekizak taldea utzi dezake. Beste bizpahiru irteerak Bilbao Athleticetik igotako jokalari gazteak izan daitezke, utzita.
