Athletic Club
2-1
Alavesek porrota jaso du Sevillaren aurka
Erredakzioa
Arabako taldeak 2-1 galdu du Sevillaren aurka. Ben Yedderrek sartu ditu andaluziarren bi golak eta Laguardia izan da Alaveseko golegilea.
Alavesek 2-1 galdu du Sevillaren aurka Sanchez Pizjuanen Santander Ligako zazpigarren jardunaldiko partida. Ondorioz, Arabako taldea 9 punturekin iritsiko da geldialdira.
Lehen zatian Andaluziako taldea izan da baloiaren jabe , baina ez du arrisku asko sortu aurkariaren ate inguruan. Gainera, lehen gol aukera Alavesek izan du. Hamargarren minutuan Camarasak pase bikaina eman dio Edgarri eta honek zutoinera bidali du errematea. Zazpi minutu beranduago etorri da Sevillaren erantzuna; Nasrik jokaldi bikaina egin du area barruan eta bere errematea oso gutxigatik kanpora joan da. Lehen 45 minutuetan oso abagune gutxi izan dira, baina Deyversonek gola sartzeko aukera izan du atsedenaldira iritsi orduko; bere jaurtiketa, ordea, kanpora joan da.
Bigarren zatian Sevilla izan da nagusi, bai jokoan baita abagune kopuruan ere. Pachecok Sevillaren gola eragotzi du Marianoren jaurtiketa geratuta. Alaveseko atezainak lan eskerga izan du bigarren zatian eta Sarabiari gelditu itzela egin dio buruz burukoan, 66. minutuan. Sampaolik zuzentzen duen taldea izan da jaun eta jabe eta saria jaso du 73.minutuan Ben Yedderren golarekin (1-0). Alavesek ia ez du abagunerik sortu bigarren zatian, baina gutxien espero izan denean, Laguardiak banakoa (1-1) sartu du, 83. minutuan. Alavesek zailena egin ostean, atzean sartu da berdinketari eusteko intentzioarekin. Sevillak, ordea, ez dio uko egin erasoari eta 92. minutuan Ben Yederrek garaipenaren gola (2-1) sartu du etxeko taldearentzat. Bigarren gola jaso ostean Alavesek ez du erreakzionatzeko denborarik izan, eta porrota jaso du.
Fitxa teknikoa:
2 - Sevilla: Sergio Rico; Mariano, Mercado, Nico Pareja, Escudero; N'Zonzi; Nasri (Sarabia, m.58), Franco Vázquez, Vitolo; Ben Yedder (Iborra, m.92) eta Vietto (Ganso. m.61).
1 - Alaves: Pacheco; Kiko Femenia (Pantic, m.26), Laguardia, Alexis, Raul Garca, Theo; Marcos Llorente, Dani Torres (Krticic, m.29), Camarasa (Katai, m.79); Edgar Mendez eta Deyverson.
Golak: 1-0, M.73: Ben Yedder. 1-1, M.84: Laguardia. 2-1, M.90: Ben Yedder.
Epailea: Antonio Miguel Mateu Lahoz.
u Lahoz.