Llorente: 'Jokalari guztiak defendatu behar dira, ez batzuk bakarrik'

Athletic Clubeko jokalaria den Fernando Llorenteren txanda izan da gaur Lezamako prentsaurrekoan. Llorenteren ustez "jokalari guztiak defendatu behar dira, hedabideetan gehien agertzen direnak eta agertzen ez direnak ere".

"Denok berdinak gara eta epaileek hala hartu behar gaituzte". Fernando Amorebietaren txartel gorria eta Bartzelonaren aurkako partida ahaztuta dutela ere jakinarazi digu Llorentek.

"Ezustekoa eman nahi dugu Mestallan. Villa eta Silva ziren taldeko jokalari onenak eta galdu egin dituzte, baina talde oso sendoa dute eta Soldado eta Aduriz bezalako aurrelari onak ere", esan du Valentziaren inguruan.

Llorentek min hartuta bukatu zuen Bartzelonaren aurkako partida, baina jada ez duela minik adierazi du. Vicente Del Bosqueren deialdian egotearekin ere pozik azaldu da Llorente.